|
| hihi~好耐冇打xg喇我 係咪好掛住我呢 | | |
| 哈哈哈,子諒我引用你句野唔介意呵? 尋晚訓得唔係幾好,醒左一次, 又晨咁早起左身喎,係床到輾轉反側左一陣, 9點幾就起左身。 我同阿姨落街食早餐,食完之後無所事事, hea到食晏,唔知點解心情好灰,其實呢期心情都比較差d, 可能重未好適應新校環境啦,又成日疑神疑鬼喎=.=" 灰到3點幾就出左去搵我師兄攞番d書, 行行下心情又好番d啦喎, 跟住就走左去相熟既阿叔飛髮鋪飛個靚髮, 我的心情就好像起了化學作用般好起來了。 | | |
| 今日11點左右已經放左學,打比佢地重係屯門到hea緊,唔緊要,我自己係荃灣到hea下先!
係荃豐遊左一陣,幫阿姨買左張 mini sd ,就搵下邊度沙嘴道。點解無啦啦要去果到?一來又可以行熟d荃灣呢頭,二來搵下間食刀削面好出名既鋪頭,上網睇過話幾好。去到間鋪坐低,睇下menu,叫左個雙餸刀削面餐,一陣d野食就黎啦。等我睇睇有幾巴閉先?d面好似腍d喎,冇乜咬口喎,個湯普通啦,d餸就雲吞都還可以,五香牛肉就麻麻。飲完杯野,記得呢到d東坡肉好似又平又ok,咁就叫舊啦。食落一件削d乾d另一件都幾肥下可以接受。10蚊貨仔,算係咁啦。食飽飽就去會一會菜肉皮阿ming阿猿佢地,等埋皮哥食埋野之後就一齊去金禾打機,然後又再轉戰新之城之顛。可能d感冒又未清,倦倦地咁走左去m記hea多陣之後就番屋企啦。 | | |
| 咁我就寫寫啦
今日就係ive開學日,晨咁早就出左去九龍塘,8點鐘呀,之前迎新日有講個下去開學d野,不過我又對自己冇乜信心,我阿姨又係咁鵝,叫我早d番去,咁我早早番到去,去到又無所事事,除左扮下個死人樣兇下d on9之外,就係搵課室。
搵下搵下,唔多對路喎,打比我個fd,佢year2,我year1,大家同一科咁,佢就話係3樓喎,有人帶參觀,
我同佢又唔同year又無理由上去join埋佢。李惠利又係既,d安排好混亂,個board 個timetable係聽日先生效既,但係又有今日個日期先出期喎,真係好佩服佢地既安排。
p.s其實都係自己有問題
| | |
|
